Ég held'ann megi fara..

...ef þetta er upphæðin. Það er enginn maður svo ómissandi þegar svona fáránleg fjárhæð er í boði fyrir einn leikmann, jafnvel þó um sé að ræða Cristiano Ronaldo. Enda er ekki annað hægt að sjá, en að skínandi "rússagull" sé í boði frá Pétursborg! Fyrir þessa fjárhæð gætu Unitedmenn mögulega keypt þessa menn alla í einum pakka þá; Arshavin, Igor Akinfeev (markvörð), Pavlicenko, Zyrianov, Torbinski og Yuri Zhirkov. En eiga samt nógan afgang til að endurnýja liðsrútuna...

Þrettán milljarða fyrir Ronaldo

Til hamingju Hermann Hreiðarsson!

Frábær árangur hjá Hemma og félögum. Hermann er þar með orðinn fyrstur Íslendinga sem leikur heilan bikarúrslitaleik á Wembley og verður enskur bikarkmeistari með liði sínu.

Redknapp: Vörnin var frábær

Lengi má gott lið bæta...

....Þó ekki með Michael Owen, með fullri virðingu fyrir honum. Ég á einhvern veginn erfitt með að sjá hann fyrir mér í búningi Manchester United. Held að það sé einfaldlega ekki pláss fyrir hann, þar sem öflugir leikmenn í hans stöðu, sem fyrir eru hjá United, yrðu framar í goggunarröð Sir Alex Ferguson. Þar að auki má Owen muna fífil sinn fegurri. En Micah Richards væri aftur á móti eins og klæðskerasaumaður inn í hægri bakvörðinn hjá þeim "rauðu". Því ekki hefur mér þótt Wes Brown vera nægilega sannfærandi eða góður í þeirri stöðu. Micha Richards til Man Utd fyrir næsta tímabil!!

Ferguson fær fé til styrkingar

ÞETTA HLÝTUR AÐ VERA ENGLANDSMET HJÁ BÆÐI SIR ALEX OG GIGGS

Tíu Englandsmeistaratitlar hjá Sir Alex Ferguson og Ryan Giggs hjá einu og sama liðinu! Þetta er magnað afrek! Er einhver annar Þjálfari í Ensku úrvalsdeildinni sem hefur náð viðlíka árangri? Eða annar leikmaður? Það hljóta þá að vera margir áratugir síðan að það gerðist, ef það hefur þá gerst!?

Tíundi titillinn hjá Ferguson

Sigurtilfinningin er alltaf jafn æðisleg!!!

Ég fór á Billiardbarinn í Faxafeni til að horfa á leikinn. Þvílík stemmning! Skemmst er frá því að segja að ég og fleiri þarna á staðnum slepptum okkur gjörsamlega í fagnaðarlátum þegar mörkin voru skoruð í sitthvorum hálfleiknum. Það var æðisleg tilfinning þegar Manchester United menn lyftu Englandsmeistara bikarnum á loft. Frábær frammistaða hjá strákunum hans Sir Alex í vetur og eru þeir svo sannarlega vel að titlinum komnir. Næst er það svo Evrópudollan eftir 10 daga!

Kveðja, einn í sigurvímu og raddlaus eftir fagnaðarlætin.

Manchester United er enskur meistari 2008