Styttist í Íslandsglímu

 

Það fer óðum að styttast Íslandsglímu sem fer fram á Akureyri laugardaginn 29. mars. Þetta er jafnframt stærsti og mesti viðburður glímumanna ár hvert. Þar er keppt  um Freyjumenið hjá konum, en Grettisbeltið hjá körlum sem jafnframt er elsti verðlaunagripur Íslandssögunnar sem enn er keppt um (frá 1906). Alls eru 16 keppendur skráðir til leiks, 7 konur og 9 karlar. Er búist við spennandi og skemmtilegri keppni hjá báðum kynjum. 

 

Þar sem spennan er farin að gera vart við sig hjá sumum þátttakenda í komandi Íslandsglímu. Er ekki úr vegi að létta aðeins á pressunni hjá þeim með því að sýna þetta hressandi myndband af glímugengi Fóstbræðra.

Ég óska öllum gleðilegra páska!

Einhverjir eigendur díselbíla segjast vera með lausn á síhækkandi olíuverði.

Þetta er alveg með ólíkindum hvað eldsneytisverð hækkar. Ætli það endi ekki með því að maður taki fram hjólið aftur. Það var minn farkostur til og frá vinnu í sex ár þar til ég nennti því ekki lengur og fékk mér bílskrjóð í fyrrahaust.

Annars eru miklar umræður um þessi mál á hinum ýmsu bílasíðum. Á þessari síðu; http://www.stjarna.is/forum/viewtopic.php?t=10572 eru umræður um notkun steinolíu í stað díselolíu á bíla drifnum "grútarbrennurum". Sjálfum finnst mér það varhugavert, en það eru einhverjir sem segjast hafa prófað þetta með einum lítra af tvígengisolíu saman við með ágætis árangri. Þó er ekki mælt með því að setja steinolíu á "common rail" díselvélarnar að sögn kunnugra vegna viðkvæmra spíssa. Ja hvað eru menn tilbúnir að ganga langt í þessum efnum þegar dísel líterinn er kominn í ca. 160 kr. en steinolíu líterinn er í ca. 90 kr. ?

Orkan hækkar einnig eldsneyti

Nokkur skólabókardæmi......(grín á ensku)

You Do The Math...

ROMANCE MATHEMATICS
Smart man + smart woman = romance
Smart man + dumb woman = affair
Dumb man + smart woman = marriage
Dumb man + dumb woman = pregnancy

OFFICE ARITHMETIC
Smart boss + smart employee = profit
Smart boss + dumb employee = production
Dumb boss + smart employee = promotion
Dumb boss + dumb employee = overtime

SHOPPING MATH
A man will pay $20 for a $10 item he needs.
A woman will pay $10 for a $20 item that she doesn't need.

GENERAL EQUATIONS & STATISTICS
A woman worries about the future until she gets a husband.
A man never worries about the future until he gets a wife.
A successful man is one who makes more money than his wife can spend.
A successful woman is one who can find such a man.

HAPPINESS
To be happy with a man, you must understand him a lot and love him a little.
To be happy with a woman, you must love her a lot and not try to understand her at all.

LONGEVITY
Married men live longer than single men do, but married men are a lot more willing to die.

PROPENSITY TO CHANGE
A woman marries a man expecting he will change, but he doesn't.
A man marries a woman expecting that she won't change, and she does.

DISCUSSION TECHNIQUE
A woman has the last word in any argument.
Anything a man says after that is the beginning of a new argument.

HOW TO STOP PEOPLE FROM BUGGING YOU ABOUT GETTING MARRIED
Old aunts used to come up to me at weddings, poking me in the ribs and cackling, telling me, "You're next." They stopped after I started doing the same thing to them at funerals.

Allt er (næstum því) fertugum fært.

Þessi jafnaldri minn verður bara betri með hverju árinu. Það mátti glöggt sjá s.l. laugardag þegar hann var einn besti maður síns liðs á móti mínu liði í enska boltanum, Manchester united. David James er fastamaður í sínu liði ásamt því að vera í landsliði Englendinga (síðast þegar ég vissi). Þessi þriggja ára samningur David James við lið sitt vekur mann til umhugsunar hvort menn séu yfirleitt að hætta of snemma í keppnisíþróttum á meðal þeirra bestu? Sjálfur er ég verulega farinn að draga úr þátttöku í Íslandsmótum á vegum Glímusambandsins. Kannski að maður ætti að endurskoða það eitthvað? Og þó, er orðinn saddur..........í bili.

James samdi við Portsmouth til 2010

Margur verður af aurum api!

Fékk þetta sent áðan í tölvupósti:

,,Í þorpi einu birtist einu sinni maður og kvaðst vilja kaupa apa af þorpsbúumá 1000 krónur stykkið. Þar sem mikið var um apa í nágrenni þorpsins, fóru þorpsbúar að veiða apana og selja manninum þá. Maðurinn keypti þúsundir apa af þorpsbúum á 1000 krónur, en þegar framboðið fór að minnka, bauðst maðurinn til að borga 2000 krónur fyrir apann. Aftur jókst framboðið um tíma, en síðan minnkaði það enn frekar og hætti síðan alveg þar sem erfiðara var fyrir þorpsbúa að finna fleiri apa til að selja. Maðurinn tilkynnti þá að hann mundi borga 5000 krónur fyrir hvern apa sem hann fengi, en hann þyrfti að skreppa frá í smá tíma og aðstoðarmaður hans mundi sjá um kaupin á meðan. Eftir að maðurinn var farinn, hóaði aðstoðarmaðurinn þorpsbúum saman og bauðst til að selja því apana, sem voru geymdir í búrum, á 3500 krónur stykkið. Fólkið gæti svo þegar maðurinn kæmi aftur selt honum apana á 5000 krónur. Þorpsbúar söfnuðu því saman öllu sínu sparifé og keyptu apana af aðstoðarmanninum.
Síðan hefur ekkert spurst til apakaupmannsins eða aðstoðarmannsins.

Núna veistu allt um hvernig hlutabréfamarkaðurinn virkar.

Margur verður af aurum api .....!!!!"

Glímugengið á KR æfingu 2006

Þessa mynd tók Páll Stefánsson, ljósmyndari, fyrir Iceland Review tímaritið á glímuæfingu hjá KR, vorið 2006 og birtist sem heilsíða inn í IR sama vor. Held dálítið upp á þessa mynd þar sem hún er tekin af einum besta ljósmyndara landsins á mjög listrænan hátt.

 Efsta röð: Ólafur Haukur Ólafsson, Jón Birgir Valsson, Snorri Þór Guðmundsson, Lárus Kjartansson og Pétur Eyþórsson.

Miðröð: Sólveig Rós Jóhannsdóttir, Eva Dröfn Ólafsdóttir, Jóhannes Pétur Héðinsson og Snær Seljan Þóroddsson.

Neðsta röð: Óttar Ottósson, Jóhanna Guðrún Magnúsdóttir, Svana Hrönn Jóhannsdóttir og Helgi Bjarnason

(klikkið á myndina til að minka hana) 

SIGUR SVÖNU HRANNAR Á TRISH STRATUS ÖRUGGUR

 
Eins og við vara að búast þá bar Svana Hrönn Jóhannsdóttir Glímudrottning Íslands sigur úr bítum í fimm lotu glímu við áskoranda sinn, Trish Stratus 7 faldan WWE meistara frá Kanada 3-2. Þrátt fyrir að tölurnar gefi til kynna að um jafna og spennandi keppni hafi verið að ræða. Þá verður að segjast að tölurnar gefa ekki alveg rétta mynd af yfirburðum Svönu Hrönn í einvíginu. Það segir sig nokkuð sjálft að manneskja sem aldrei hefur tekið í glímubelti fyrr sem kemur og tekur tvær 3ja klukkustunda glímuæfingar, er ekki að fara sigra ríkjandi meistara í íþróttinni, þó svo Tris hafi staðið sig frábærlega í einvíginu. Þá hafði Svana Hrönn örugglega tögl og haldir frá upphafi til enda þess.

 En Trish Stratus til hróss er að hún er mikill íþróttamaður með sterkan karakter og mikið sjálfstraust. Enda hefði hún varla náð svona langt í WWE annars, þó svo að þar sé meira gert út á "show-ið" heldur en keppnina. Þessir eiginleikar komu bersýnilega í ljós á glímuæfingunum tveimur sem hún mætti á. Hún var einstaklega ósérhlífinn og einbeitt í því sem hún var að gera og lagði mikið á sig til þess að læra glímutæknina sem er hreint ekki auðvelt á svo skömmum tíma.  Sérstaklega var gaman að sjá til hennar á seinni æfingunni þar sem hún virtist öllu sprækari en kvöldinu áður, enda ný kominn úr flugi þá. Öfugt við fyrri æfinguna þá gat hún nú tekið 75 kg. mann (Auðunn Elvarsson) og snarað honum á háum mjaðmarhnykk í gólfið. Pétur Eyþórs stjórnaði ketilbjölluæfingu áður en að glímunni kom. Dró Trish hvergi af sér í þeim átökum. Á glímuæfingunni sjálfri fékk hún að glíma við þrjá glímumenn undir handleiðslu Péturs og mín á meðan sjónvarpsvélarnar gengu. Í restina á æfingunni fékk hún enn einn glímumanninn til að takast á við og þá var slökkt á vélunum og við Pétur drógum okkur í hlé.

Eins og sést á meðfylgjandi myndum þá var Svana Hrönn á seinni æfingunni, enda vön því að æfa með okkur KR-ingunum alla jafnan og mikill félagi okkar. Það var einmitt Svana Hrönn sem tók Trish í síðustu glímukennsluna fyrir átökin. Hljómar undarlega en þetta sýnir Svönu Hrönn í hnotskurn hversu frábær karakter hún er. Þarna var hún komin til að miðla af glímukunnáttu sinni til Trish, því Svönu Hrönn var það ekkert síður í mun, en Kanadísku stallsystur hennar, að Trish gæti lært sem mest og best fyrir þetta einvígi svo það yrði vandað og án hnökra. Rétt eins og með allar sýningar og keppnir, þá skiptir höfuðmáli að vera vel undirbúinn fyrir áttökin. Þetta var Svana Hrönn, án efa, með í huga fyrir keppinaut sinn. 

Þá að einvígiskvöldinu þar sem byrjað var á því að blása til einvígis í karla flokki fyrir Kanadíska sjónvarpið milli austurs og vesturs, Snær Seljan Þóroddsson ÚÍA Reyðarfirði og Magni Þór Annýjarson Herði Ísafirði, sem endaði 3-2 Snæ í vil. Þetta var virkilega flott einvígi hjá strákunum. Eftir viðureignir strákanna var komið að stóru stund kvöldsins, einvígi drottninganna tveggja. Stemmningin var betri en nokkru sinni fyrr á glímumótum sem undirritaður hefur mætt á. Enda fullt út úr dyrum í fangbragðasal Ármanns. Í þeim hópi voru stuðningsmenn Svönu, vinnufélagar hennar frá Vífilfelli og dyggur vinkonu- og vinahópur sem veittu henni frábæran stuðning. Ekki var minni hópurinn sem fylgdu Trish Stratus að máli, aðdáendur hennar sem voru miklir WWE unnendur höfðu heldur betur dottið í lukkupottinn að fá þessa frábæru stjörnu úr WWE til landsins. Sýndu þeir stuðning og þakklæti sitt svo sannarlega í verki. Þá eru ótaldir allir þeir glímumenn sem þarna voru og flestir á bandi Svönu Hrannar.

Keppendur voru kynntir inn, fyrst var Svana Hrönn kynnt inn í sínum svarta glímubúningi með grænum ermum sem hún notaði eitt sinn þegar GFD og KR sendu sameiginlega sveit í kvennaflokki. Á eftir henni var Trish Stratus kölluð inn í salinn. En hún var í svörtum glansbuxum með bleikri rönd niður eftir sitthvorri skálminni og á sitjandanum var áletrað nafnið hennar einnig í bleikum stöfum. Trish hafði orðið sér út um svartan bol með áletruninni "Lost in Iceland" Þetta kallast að hafa húmor fyrir sjálfum sér. Eftir að keppendur höfðu verið kynntir til leiks með miklum fagnaðarlátum, hófst einvígið. Það tók Svönu aðeins örfáar sekúndur að leggja Trish á vel útfærðum hælkrók hægri á hægri. Í næstu lotu sigraði Trish Svönu á hælkrók hægri á vinstri eftir góða glímu þeirra beggja. Annars má sjá viðureignir þeirra í meðfylgjandi link frá Stöð 2 veftíví. Að einvíginu loknu tóku við viðtöl hjá stelpunum og eiginhandaráritanir. Það var aðdáunarvert að sjá hvað Trish gaf sér góðan tíma fyrir hvern og einn í myndatökur, svara spurningum, áritanir og jafnvel smá wrestlingtök. Mjög jarðbundin manneskja með mikla útgeislun. Allt saman gerði hún þetta með bros á vör í röskan hálftíma. Eftir stendur mikið þakklæti okkar glímumanna til Trish og hennar fólks fyrir að velja glímuna sem viðfangsefni í sjónvarpsþátt sinn. Næst halda þau til Indlands á vit ævintýra til að kynna sér stikuskylmingar.

Svönu Hrönn Jóhannsdóttur hef ég til skýjanna eftir þessa frammistöðu á miðvikudagskvöldið og gæti hún jafnvel átt erindi í WWE því hún fór með sýna rullu að þvílíkri snilld, sem og að taka þátt í leiknum fyrir Kanadíska sjónvarpið líkt og hún hafi aldrei gert annað. Hélt Svana áhorfendum á tánum allan tímann en hafði þetta samt allt í hendi sér. Þegar hún lagði Trish, þá varð það gert að slíkri mýkt að ekki heyrðist hljóð úr gólfi, Því hún lagði hana líkt og ungbarn í vöggusæng. Þetta fannst mér stórkostlegt að sjá og ber vitni um glímumann með fullkomna stjórn á brögðum sínum. Svana Hrönn er ekki bara toppíþróttamaður heldur líka frábær persóna og góður talsmaður glímunnar útá við.

Oft gleymist að þakka þeim sem standa að þessu öllu saman á bak við tjöldin. Þar á Lárus Kjartansson framkvæmdastjóri GLÍ hrós skilið fyrir að skipuleggja komu hópsins hingað til lands ásamt því að gera atburðinn jafn góðan eins og honum einum er lagið.

Ég vil nota tækifærið og þakka Hansa og hans samstarfsfólki á Stöð 2 fyrir að gera einvíginu svona góð skil og sýna allar loturnar. Eins og heyra mátti á umsjónarmönnum "Íslands í dag" þeim Svanhildi og Þorfinni, voru þau mjög áhugasöm um að fylgja Svönu og Trish í kjölfarið og fara í glímueinvígi. Ég skora hér með á þau að láta verða af því, þau geta haft samband við undirritaðan eða Lárus framkvæmdastjóra GLÍ til að hægt sé að aðstoða þau með þjálfun og skipulag einvígisins.

http://vefmidlar.visir.is/VefTV/?channelID=STOD2&programID=b2fab606-e8f9-4500-a4d9-15008d8978da&mediaSourceID=e61ecab0-90d4-466e-9229-bb8374d1b09d

http://vefmidlar.visir.is/VefTV/?channelID=STOD2&programID=7821563b-9165-4085-a32a-7d7d079d9558&mediaSourceID=81829c01-cc66-4581-a186-64c112ccae05

 

 

 

 

 

 

 

 

Trish og Svönu varð strax vel til vina. 

 

 

 

 

 

 

 

 

Axlarupphitun fyrir bjöllur. 

 

 

 

 

 

 

 

 

Upphitun

 

 

 

 

 

 

 

 

 

Hlustað á þjálfarann. 

 

 

 

 

 

 

 

 

Og svo pressa upp! 

 

 

 

 

 

 

 

 

Tekið á ketilbjöllunum. 

 

 

 

 

 

 

 

 

Trish hlustar á góð ráð frá Pétri þjálfara sínum.  

 

 

 

 

 

 

 

 

Höfundur í félagsskap með frábærum glímukonum. 

 

 

 

 

 

 

 

 

T-in 3 Trish, Trausti og thjálfarinn. 

Trish laut í lægra haldi

Fyrsta glímuæfing Trish Stratus á Íslandi

 
Nú er fyrri æfingin af tveimur með Trish Stratus yfirstaðinn. Hún fór fram í fangbragðahúsi Ármanns í gærkvöldi. Æfingin átti upphaflega að byrja klukkan 20.00 en eins og stórstjörnum sæmir þá kom Trish ekki í húsið fyrr en hálftíma síðar og þá dregin beint í viðtal, ásamt Svönu Hrönn, við íslensku sjónvarpsstöðvarnar RÚV og Stöð 2. Ekki var laust við að loftið væri læviblandið á milli þeirra. Nokkuð var komið af áhorfendum, var því dálítill spenningur í lofti.

Þegar æfingin hófst loksins, þá vildu hún ekkert hálfkák í einhverjar upphitunaræfingar heldur byrja glímunámið strax. Pétur Eyþórsson sá að mestu leiti um að útskýra fyrir Trish brögðin og hvernig ætti að útfæra þau og hafði okkur Snæ til aðstoðar. Trish var mjög áhugasöm um glímuna og kom það mér skemmtilega á óvart hvað hún hafði lesið sig vel til um sögu glímunnar og lög hennar. Þessar upplýsingar hafði hún orðið sér út um á heimasíðu Glímusambandsins, einnig eftir leit á netinu að efni um glímuna á ensku.

Þetta er mjög jarðbundin og skemmtileg stelpa við fyrstu kynni. Var alltaf stutt í grínið hjá henni, skipti þá engu hvort það var á meðan myndavélarnar voru í gangi eða ekki. Semsagt algerlega laus við stjörnustæla. Það er alveg merkilegt þegar maður sér margt fólk einungis í sjónvarpi eða á myndum hvað það virkar oft stærra en reyndin er. Virðist þetta eiga sérstaklega oft við um frægar stjörnur. Trish Stratus er þar ekki undantekning. Hún er vart hærri en 1,55 og upplýsti hún okkur um að hún væri 45 kg. Var þetta henni nokkuð til trafala þegar hún átti að taka Snæ Seljan í hábragð, því þarna munaði tæplega helming á þyngd þeirra og henni vantaði a.m.k. 25-30 cm upp á hæð Snæs. Það reyndist henni þó ekki erfitt þegar hún sótti lágbrögðin enda ekki þörf á að lyfta andstæðingnum í þeim aðgerðum. 

Þar sem nokkuð var um áhorfendur eins og áður segir, gátum við kallað til hinn 13 ára Ármenning, Stefán Pétur Gunnarsson Íslandsmeistara í sínum aldursflokki, til þess að hún hefði andstæðing af þeirri þyngd sem hún gæti lyft. Annars gekk æfingin ágætlega þó hún tæki á þriðja klukkutíma vegna sífelldrar endurtekninga fyrir sjónvarpsvélarnar svo hægt væri að ná myndskotum frá sem flestum hliðum. Að endingu tók hún okkur þrjá í jógaæfingu sem var nokkuð slakandi eftir áttökin á undan. Hvernig Trish Stratus, 7 faldur heimsmeistari í WWE, verður ágengt með Svönu Hrönn Jóhannsdóttur glímudrottningu Íslands, sem unnið hefir til þess titils þrisvar sinnum,skal ég ósagt látið að sinni. Við skulum sjá hvernig til hefur tekist eftir æfinguna í kvöld í Melaskóla.

Hér er Trish Stratus ásamt glímuþjálfurum sínum þeim Snæ Seljan og Pétri Eyþórssyni

Túnisfarar

Í fyrramálið heldur Ásgeir vinnufélagi minn í tveggja vikna ferðalag til Túnis ásamt Ragnheiði spúsu sinni. Þau hafa undirbúið sig af mikilli kostgæfni fyrir þessa ferð, með antipestarsprautum hjá lækni og viðað að sér menningarfróðleik um land og þjóð af netinu. Þá hefur nálgun þeirra hjóna á menningu heimsálfunnar verið nokkuð óvenjuleg en skemmtileg. Þar sem þau hafa lagt mikið á sig til að lifa sig í hlutverk innfæddra. Þó að vísu hafi verið seilst dálítið lengra inn í svörtustu Afríku í þeim efnum en ætla mátti í fyrstu.  En þar sem þau hyggjast fara á bak úlfalda, þá er vissara að vera við öllu búinn varðandi aðra menningarheima Afríku ef þessar hryggháu skepnur tækju upp á því að fælast og hvergi slá  af  með  hjónin á baki fyrr en  í Nígeríu. Eins og margir vita þá eru þessar skepnur til þess fallnar að geta verið án matar og drykkjar í marga daga og því til alls vís. En ég vona að til þessara vandræða komi nú ekki hjá þeim. Heldur njóti þau hverrar stundar þarna í Túnisíu.

 

 

 

 

 

 

 

Hér eru hjónin í undirbúningi ferðarinnar á sérstöku námskeiði sem haldið var á Hótel Selfossi í janúar s.l.  

 

 

 

 

 

 

 

 

Hér er Geiri ásamt Elsu viðskiptafulltrúa úr Brezka sendiráðinu og undirrituðum, sem einnig tók þátt í undirbúningnum ásamt fleiri vinum og vandamönnum sem þarna voru. Elsa var þarna af sama tilefni með fyrirlestur um nýlendustefnu Breta í Afríku og um nálgun vesturlandabúa við innfædda. 

Ragna og Geiri! Hafið það sem allra best í fríinu, góða ferð og góða skemmtun.

SVANA HRÖNN JÓHANNSDÓTTIR Í EINVÍGI VIÐ TRISH STRATUS

Trish Stratus er að koma til landsins á morgun frá Noregi, hvar hún var að taka upp sjónvarpsþátt fyrir Kanadíska sjónvarpsstöð sem er á ferð um heiminn  og nú er komið að Íslandi.

Um síðustu helgi spurði framkvæmdastjóri Glímusambandsins mig og Pétur Eyþórsson, núverandi Glímukóng, hvort við gætum ekki tekið að okkur að þjálfa fjölbragðaglímukonu frá Kanada sem væntanleg væri í byrjun mars til Íslands til að keppa í glímu við bestu glímukonu landsins. Án þess að hafa kynnt okkur hver manneskjan væri eða hversu fræg hún væri í US and A. Þá samþykktum við að taka verkefnið að okkur þó þjálfunartíminn til þess væri of stuttur að okkar mati fyrir einvígið (2 æfingar). Einnig var okkur sagt frá því að Kanadísk sjónvarpsstöð væri með í för sem myndu láta tökuvélarnar ganga á æfingunum og jafnvel utan þeirra. 

Svo leið tíminn og í gær var ég minntur á að Kanadíska sjónvarps hersingin, með Trish Stratus í broddi fylkingar, væri að koma til landsins núna á sunnudaginn. Þá fór maður aðeins að kynna sér þessa manneskju og komst að ýmsu. M.a. að hún væri 7 faldur heimsmeistari í WWE (World Wrestling Entertainment) ásamt því að  hafa verið valin "babe of the year" og díva áratugarins. Þá er hún allþekkt úr hinum ýmsu sjónvarpsþáttum og tímaritum.  Þannig að um er að ræða Kanadískt "seleb"!

Þó svo að ég hafi tekið það að mér, ásamt Pétri, að kenna konunni glímu, þá hef ég takmarkaða trú á að Trish verði mikið ágengt með Svönu Hrönn Jóhannsdóttur glímudrottningu Íslands. Því glíman er mikil tækni íþrótt sem ekki lærist á tveimur dögum! En að sjálfsögðu reynum við að gera okkar besta til að kenna Trish Stratus sem mest á þessum stutta tíma. Hún gæti mögulega byggt á þeim grunni sem hún hefur úr WWE en við sjáum hvað setur. Ef vel gengur hjá henni, þá er aldrei að vita nema hún taki þátt í fyrsta heimsmeistaramótinu í Glímu sem fram fer í Hróarskeldu n.k. ágúst fyrir hönd Kanada.

Fyrir þá sem lítt eru kunnir WWE, Þá er þetta að mestu leiti um "show business" að ræða og úrslit ákveðin fyrirfram. Þess má geta að "World Wrestling Entertainment" var stofnað af HULK HOGAN og er að hluta eða öllu leiti enn í hans eigu. Þetta er með vinsælla sjónvarpsefni í USA og rakar inn peningum

Ég bendi fólki á að skoða myndbönd af Trish Stratus inn á www.youtube.com  

 

Glímugella gegn glímudrottningu